LAGANINO RRANGMANCH

વ્યર્થ છે આપણું હોવું જો આપણે જીવનની ઉંચાઇને બદલે તેની લંબાઇને જીવવા  આતુર હોય તો...!! એકાદ જીવને પણ જો થોડાં પણ ઉપયોગી ન થઇએ તો... વ્યર્થ છે યોગી હોવુ આપણું....!! વ્યર્થ છે સાહેબ !! ચાર ધામની જાતરા..!!જો વૃધ્ધ મા કે બાપને આંગળી  પકડીને બાથરૂમ સુધી ન લઇ ગયા હોય...તો..!! વ્યર્થ છે...શ્રાધ્ધનું કરવું.. ન કરશો શ્રાધ્ધ જો મા-બાપની હયાતીમાં  ક્યારેય એમને ભાવતી વાનગી પ્રેમથી ન પીરસી હોય..!!! વ્યર્થ છે ... પીપળે પાણી રેડવાનું જો અવસ્થામાં પથારીવશ મા કે બાપના ઓશીકે રોજ તાજા પાણીનો જગ ન ભર્યો હોય...!!!  વ્યર્થ છે.. તમને લાખો લોકો સલામ કરતાં હોય.. . જો તમે એકવાર પણ માતા-પિતાને 'કેમ છો?' ન પૂછતા હોય...જો હાલરડાં ગાઇને તમને સુવાડનારને રાત્રે જાગી ને કોઇકવાર સરખું ઓઢાડ્યું ન હોય... વ્યર્થ છે...જીવનની લંબાઇ..... જો ઉંચાઇ ન હોય વર્તનમાં....!!!! નલિની પંડ્યા "નંદિની" 👉  naliniapandya@gmail.com ખાસ નોંઘ 👉     (આ પોસ્ટ કોપી રાઈટ  આરક્ષિત હોવાથી તેના લખાણ માં કોઈ ફેરફાર ન કરવો)

કોઈ વૈદ કે હકીમને બોલાવો, મારી વેદનાનો ઈલાજ બતાવો. આપનારે આ દર્દ તો આપી દીધું, હવે ઈશને પૂછી જવાબ બતાવો. પ્રેમમાં કેવા આપણે હતાં તરબોળ, હવે વગર વરસાદે ભીંનાશ બતાવો. આંખોના નૂરને તો ઝાંખપ આપી, હવે છાજલી કરી પૂરું આકાશ બતાવો. નીંદર મારી ઉડી ગઇ વગર સપને, હવે ઉજાગરાની લાલાશ બતાવો. આંખોને તો આંસુઓની આડશ મળી, હવે દરિયાની જેવી ખારાશ બતાવો. "સખી" વેદનાનો વરઘોડો કાઢ્યો અહીં, હવે જાનૈયા બની હળવાશ બતાવો. રેખા પટેલ "સખી", માંજલપુર, વડોદરા . ખાસ નોંઘ 👉     (આ પોસ્ટ કોપી રાઈટ  આરક્ષિત હોવાથી તેના લખાણ માં કોઈ ફેરફાર ન કરવો)

  તું જ્યારે-જ્યારે તારા નવા રંગ બતાવે છે,  હું ત્યારે-ત્યારે તેને ચિત્ર સમજી રંગ પૂરું છું.     તું જ્યારે-જ્યારે દુઃખનો ભંડાર કરે છે,     હું ત્યારે-ત્યારે સુખની એક લહેર શોધું છું.          તું જ્યારે-જ્યારે ઘાવ આપે છે,           હું ત્યારે-ત્યારે દવા લગાડું છું.         તું જ્યારે-જ્યારે મને નિરાશ કરે છે,  હું ત્યારે-ત્યારે આશાનું એક કિરણ પ્રગટાવવું છું.        તું જ્યારે-જ્યારે મને કમજોર બનાવે છે,         હું ત્યારે-ત્યારે વધુ શક્તિશાળી બનું છું.  રેખા પ્રજાપતિ  અમદાવાદ ખાસ નોંઘ 👉     (આ પોસ્ટ કોપી રાઈટ  આરક્ષિત હોવાથી તેના લખાણ માં કોઈ ફેરફાર ન કરવો)