શિર્ષક : - ડરું છું... ✍️ કવિયત્રી :- - કાજલ શાહ 'જલ'

એવો  મળ્યો  દગો  કે  હું  લાડથી  ડરું છું,

પંખી  થઈને  જાણે,   હું   ઝાડથી  ડરું  છું,

રાખી  નથી  તિજોરી,  યાદો  ભરી  ભરીને,

આ આંસુઓ  જે પાડે તે  ધાડથી  ડરું છું,

છે બોલવું ઘણું પણ,ત્યાં પ્હોંચશે ખરું એ?

અંકુર   નવું   ઉગેલું,   હું  તાડથી   ડરું  છું,

ઊભો છું બુત બનીને, લીલા આ ખેત વચ્ચે,

બનવું  છે મુક્ત  મારે, પણ  વાડથી  ડરું  છું,

હું  પણ  કરી  શકું  છું, જેવાની  સાથ  તેવા,

અંતરથી  'જલ'  ઉઠે  છે તે રાડથી  ડરું  છું.

- કાજલ શાહ 'જલ'