🔅પરીક્ષા🔅 એક શિક્ષક ની નજરે ✍️ નલિની પંડ્યા "નંદિની"

‌‌

           
 

પરીક્ષા....
 કોની.....???
 વિદ્યાર્થીની...???
ના રે.... ખરી પરીક્ષા અમારી...
પરીક્ષકની....
પરીક્ષા પછીની પરીક્ષા...

 વિદ્યાર્થીની પરીક્ષા ત્રણ કલાકની
અમારી ત્રણ મહિનાની.....!!
પરીક્ષામાં પાસ કરીને
 શિશુમાંથી ઈસુ પ્રગટ કરવાની....!!!

અક્ષર, શબ્દ અને એક એક વાક્યને ઝીણી નજરથી જોઈને
સાચી દિશા બતાવવાની અમારી પરીક્ષા...!!!!

એક પેપર વાંચતા 
આંખ પહોળી થઈ ગઈ...!!
લખ્યું હતું કંઈક આવું જ એમાં..
હજારોની કિસ્મત તમારી પાસે છે;
જરા પાસ કરી દો તો શું પાપ છે..??

ને વળતો જવાબ આપ્યો:
પુસ્તકોની દોલત તારી પાસે છે,
જરા વાંચી હોત તો શું પાપ છે..??
આવા અનેક અનુભવો  કરાવતી પરીક્ષા...!!!

બોર્ડની પરીક્ષામાં થતી અમારી પણ પરીક્ષા....
પાંચ ગળણે ગળાતા પેપર ...!
ફરજિયાત આપવી પડતી અમારે આ પરીક્ષા.‌

વિદ્યાર્થીઓને પરીક્ષાનો હાઉ,
વિસ્મય,ચિંતા અને ડરના
 હાવભાવ સાથે અપાતી પરીક્ષા‌‌.
પરીક્ષા પછી હાશકારો થતો પણ,
 મા-બાપને  પરિણામ સુધી ચિંતા
કરાવતી પરીક્ષા..
એવી છે આ જીવનની પરીક્ષા,
 કહો કેવી લાગી આ પરીક્ષા...??

નલિની પંડ્યા "નંદિની" 

👉 naliniapandya@gmail.com