શીર્ષક :- "શાને કહાવે ?" ✍️ - આરતી યુ જોશી

બધો પ્રેમ એની ગઝલમાં એ લાવે,
હશે હાજરી મારી એવું જતાવે.

અમારું ગણિત થોડું કાચું રહ્યું છે,
ભલે દાખલા તું ફરીથી ગણાવે.

"તું પીડા નથી" એમ તો મેં કહ્યું છે, 
"દવા પણ નથી તું" એ શાને કહાવે? 

હશે આવ-જા શ્વાસ વચ્ચે જ તારી ,
ક્ષણે ક્ષણમાં હાજર રહીને સતાવે,

તમસની હવેલી સરીખો હું છું ને, 
ફળીયે નકામોં તું દીવો મુકાવે.

અમારી સમીપે ઝરણ ઝાંઝવા  છે, 
અહીં એ ફળે છે જે પથ્થર વહાવે. 

કપટ, ગંદકીને તમસ ભીતરે હો, 
એ ચેહરે અહિંસા, દયા ને સજાવે.

છે તારું નગર એ અમારું નગર છે, 
નથી ઘર કોઈ એવું જે ઘર બચાવે.

- આરતી યુ જોશી