🙏 પ્રાર્થના 🙏 :- ✍️ નલિની પંડ્યા "નંદિની" ✍️

આરો કે ઓવારો ન મળે,
નાવને કિનારો ન મળે,
બસ એક જ છે અંતિમ ઉપાય...
આવો, ભેગા મળી કરીએ ઈશ્વરને  પ્રાર્થના...!

મારું કંઇ ચાલે નહીં,
તારું કંઇ ઉપજે નહી,
બસ એક જ છે ઉપાય,
છે તારા-મારા સિવાય ત્રીજી તાકાત- 
જગતનિયંતાને કરીએ પ્રાર્થના....!

સ્વજનનું એકાએક
ગામતરે જવું , કદાચ્
તારા માટે છે સ્મૃતિ-ચિઠ્ઠી;
તું અજર-અમર નથી સમજી લે, 
એ અજન્મા આધારને કર અંતરથી પ્રાર્થના !!

રાતનું વહી જવું હોય ભલે
પણ બીજા દિવસની સુવર્ણ પ્રભાતે,
હસતો હોય મારો પરિવાર..
છે સર્જનહારને મારી પ્રાર્થના...!!

મારા સારા-નરસા કર્મે, તેં
મને નિભાવીને દાખવ્યો પ્રેમ
હંમેશા,
પ્રાર્થના બે હાથ જોડીને કરું
એવો પ્રેમ પ્રભુ મને  આપજે..

ચાલ, જીવ હવે 
સમેટવા માંડ તારો અસબાબ,
જીવન યાત્રાના અંતિમ 
ગંતવ્યે પહોંચતાં પહેલાં,
પરમાત્માને કરી લે પ્રાર્થના !!

નલિની પંડ્યા "નંદિની"✍🏻

👉 naliniapandya@gmail.com

👉

👉 નલિની બેન પંડ્યા જ્યોતિષ અને એસ્ટ્રોલોજીકલ