🔅 તારી યાદ... ✍️ નલિની પંડ્યા "નંદિની" ✍️

એક આઘાત હ્રદય પર
એમ જ બસ થતો રહ્યો;
કોઇના સમીપ આવવાથી તો,
કોઇના દૂર જવાથી....!!!

એકાંતમા રહું તો 
સતત તારી ખામોશી યાદ આવે,
મહફિલમાં જાઉં તો
તારા મૃત્યુનો શોરબકોર યાદ આવે.....!!

અંધારામાં  પડછાયો પણ
સાથે નથી; '
ને ઉજાસમાં
દુનિયાભરની એકલતા મારી સાથે રહે છે...

હું અને મારી એકલતા
એકબીજા સાથે સાવ એકલાં છીએ;
'એક માસૂમ આઘાત' બનીને તારી યાદ
દિલની દિવાલો સાથે ટકરાયા કરે છે...

તારી યાદ આમ એક 
માસૂમ આઘાત બનીને
દિલને કોતરી રહી છે સતત..!!
જોઉં છું... દિલ જીરવે છે ક્યાં સુધી...!!!

નલિની પંડ્યા "નંદિની"