શિર્ષક : નારીનાં મનની વાત ✍️ ✍️ ગીતા ઠક્કર - ગીત , મુંબઈ

નારીનાં મનની વાત ક્યાં કદી કોઈને સમજાતી?

પિયરમાં પારકી થાપણ ગણીને ઉછેરાતી,

સાસરિયે પારકી જણી તરીકે ઓળખાતી,

બે માંથી ક્યાં કદી એક પણ ઘરે સંપૂર્ણ સમાતી?

નારીનાં મનની વાત ક્યાં કદી કોઈને સમજાતી,

વરસમાં એક દિવસ આદર સન્માન અનુભવતી,

શેષ દિવસોમાં નારી ગરીમાને ઠેંસ પહોંચાડાતી,

નિર્ભયા સમ વિના કોઈ વાંક શા માટે સજા મેળવતી?

નારીનાં મનની વાત ક્યાં કદી કોઈને સમજાતી,

જજબાતોના ઝંઝાવાતમાં સતત અફળાતી,

મિથ્યા રિવાજોની બેડીઓમાં સદા જકડાતી,

ઈચ્છાઓના આકાશે ઊડવા ક્યાં કદી પંખ પામતી?

✍️ ગીતા ઠક્કર - ગીત , મુંબઈ